Presentamos o proxecto de Voluntariado Social que se retoma con gran ilusión este curso 2023-24, tras os anos de pandemia. As actividades están pensadas para o desenvolvemento persoal do alumnado maior de 16 anos que estea a cursar 1° ou 2° curso de Bacharelato, pero está aberto a participación de todas aquelas persoas que o desexen (familias, docentes, personal de administración e servizos…).
A través de distintas organizacións ofrécense distintas posibilidades de colaboración con accións sociais.
Este curso retómanse as seguintes:
Apoio escolar a nenos en risco de exclusión social de Educación Primaria a través de Cáritas no Centro Loyola os luns de 17:00-18:30h.
Clube de lectura para maiores na Residencia Santa Marta dous xoves ao mes en horario de 17:00-18:30h.
Apoio contra a fenda dixital a persoas con trastornos mentais (informática e tecnoloxías básicas) en Xaruma dous mércores ao mes en horario de 17:00-18:30h.
Toda a comunidade educativa está chamada a colaborar con calquera das iniciativas se desexa dedicar un pouco do seu tempo a quen máis o necesita. Se teñen interese en participar ou se desexan máis información adicional sobre o proxecto poden facelo a través do correo electrónico voluntariado@colegioapostol.com
