XUSTIFICACIÓN
Dentro da aposta do Centro por recoller todas as inquedanzas das familias respecto á crianza dos seus fillos, xorde esta oferta de escola de familias. O proxecto Escola de Familias nace por tanto coa finalidade de xerar espazos de aprendizaxe e apoio onde as familias poden adquirir ferramentas para o desenvolvemento dos fillos, fortalecer a comunicación familiar e promover o desenvolvemento integral dos nenos. A natureza deste proxecto é que funcione como unha ferramenta flexible, que poida deseñarse e/o adaptarse segundo os requirimentos e preferencias das familias asistentes e necesidades que vaiamos descubrindo como Comunidade Educativa.

OBXECTIVOS
O obxectivo principal é crear un espazo de formación para familias baseado na nosa pedagoxía e espiritualidade ignaciana, potenciando “valores do Evanxeo” (que ás veces poden ser contraculturais, pero máis necesarios que nunca). Os obxectivos específicos que se pretenden alcanzar con este proxecto son os seguintes:

• Fortalecer as habilidades como pais.
• Mellorar a comunicación familiar.
• Fomentar a participación activa dos pais na educación dos seus fillos.
• Crear unha contorna de apoio mutuo entre as familias.

TEMPORALIZACIÓN
O encontro levarase a cabo un xoves ao mes na aula multifuncional do colexio (nalgúns momentos a hora será modificada segundo os relatores).

RECURSOS PERSOAIS
Actualmente, a organización do proxecto está en mans de Carmen Cendón, Fernando Gálligo SJ e Agustín Couto. Puntualmente acudirán ás reunións outros profesionais como profesorado do centro, antigos alumnos, psicólogos especializados, que desenvolverán a dinámica de cada sesión.