O alumnado de 1º de Bacharelato gozou este luns, 13 de febreiro, dunha clase de Lingua Castelá e Literatura diferente e moi especial. Recibiron a visita do escritor de éxito vigués, e antigo alumno do colexio, José Ángel Gómez Iglesias, máis coñecido como “Defreds”.
En 2011 abriu a súa conta de twitter con este pseudónimo, publicou unha frase, un pensamento, e “aí comezou todo”, como el mesmo lembra. Agora, está a piques de publicar o seu 11º libro e leva, en total, máis de medio millón de exemplares vendidos.
Este escritor de éxito compartiu esta xornada con 1º de Bach, dialogou con alumnos e alumnas, e participou nun obradoiro de creación de textos poéticos que tiveron que realizar de maneira cooperativa. Ao final, Defreds e o profesor David Viso elixiron os mellores textos que tiveron un premio especial: os libros de Defreds que o escritor regalou nesta visita ao seu antigo colexio. “Un pracer volver a casa”, e valorou moito o traballo realizado: “son uns alumnos moi interesados en aprender e escoitar”.
![](https://colegioapostol.com/wp-content/uploads/2023/02/defred-con-alumnos-mesa-4-300x224.jpg)
![](https://colegioapostol.com/wp-content/uploads/2023/02/posando-con-sus-libros-224x300.jpg)
![](https://colegioapostol.com/wp-content/uploads/2023/02/libros-defreds-2-224x300.jpg)
![](https://colegioapostol.com/wp-content/uploads/2023/02/defreds-desde-la-mesa-de-profe-224x300.jpg)
![](https://colegioapostol.com/wp-content/uploads/2023/02/posando-con-dos-alumnas-300x224.jpeg)
![](https://colegioapostol.com/wp-content/uploads/2023/02/defred-con-alumnos-mesa-4-300x224.jpg)