Peregrinar fai comunidade…
Desde o equipo de pastoral do noso colexio e do Santa María del Mar, en colaboración con profesorado de 5EP, puxemos en marcha a PreJavierada. Trátase dunha iniciativa na que buscamos crear convivencias especiais entre os alumnos de ambos centros para establecer lazos cara a Javierada de 6ºEP.
O pasado día 5 de abril, 200 valentes alumnos de ambos centros realizaron unha pequena peregrinación desde o monte do Gozo ata a Catedral de Santiago, onde realizaron peticións por ambos colexios e polas familias que os compoñen.
Unha experiencia de encontro na que ademais de compartir camiño, visitaron a catedral e realizaron xogos de socialización nas instalacións de San Francisco Javier-Xesuítas, intercambiaron obxectos que se devolverán en Javier, e selaron os carnés de peregrino que volverán selar o próximo ano.
![](https://colegioapostol.com/wp-content/uploads/2024/04/68748101-cdad-4189-8d78-7369558a73ef-1024x768.jpg)
![](https://colegioapostol.com/wp-content/uploads/2024/04/tecendo-lazos-no-camino-1024x756.jpg)