Estamos desconcertados pola violencia no mundo, e especialmente agora polos actos de guerra en Ucraína. Desde a comunidade educativa do Colexio Apóstol Santiago solidarizámonos cos que sufren e que hoxe viven con medo e angustia. Pedimos e buscamos a xustiza e a paz. E unímos os nosos desexos as iniciativas da Compañía de Xesús ante a crise de Ucraína.
Entreculturas, ONG dos xesuítas, mobilízase este días en apoio ás persoas máis vulnerabeis na emerxencia de Ucraína. Xunto á Rede Xavier e o Servizo Xesuíata a Refuxiados Europa, acaba de activar o protocolo de emerxencia para atender, acoller e acompañar á poboación refuxiada nos países fronteirizos con Ucrania.
O Colexio Apóstol súmase a esta acción e pide a colaboración de todos e todas con esta traxedia que conmociona a todo o mundo.
Estes primeiros momentos son fundamentales. O teu apoio é clave.
