Pechamos o mes de febreiro celebrando xa as festas de Entroido en todo o colexio, pero tamén cunha xornada moi orixinal dentro do proxecto educativo do comedor.
O chef Pepe Rodríguez animounos a achegarnos ao “Sabor das palabras”, a través de interesantes historias do libro “O Principiño”.
O menú de comedor deste xoves estivo inspirado en aventuras, lugares e situacións desta universal historia, como o tabulé de verduras con árbores boabas ou guiso de pito ao estilo bereber.
Unha magnífica maneira de iniciar as vacacións de Entroido, xa con todo o alumnado gozando cos seus disfraces.
