Nova protesta en Vigo contra a Lei Celaá, este domingo desde Samil

A Plataforma Máis Plurais, que aglutina a máis de vinte asociacións e entidades vinculadas ao ámbito educativo en toda España, organiza unha nova convocatoria en protesta contra a coñecida como Lei Celaá, unha reforma na Lei de Educación que puxo a boa parte da opinión pública, en contra da súa aprobación. A LOMLOE – Lei Orgánica de Modificación da Lei Orgánica Educativa, introduce destacados cambios significativos na regulación da educación en España que supoñen un ataque á pluralidade educativa e suprimen de forma solapada e paulatina o dereito das familias para elixir o centro educativo dos seus fillos.

En Vigo, a manifestación deste próximo domingo terá como punto de partida o Museo Verbum, situado na Praia de Samil, desenvolverase en paralelo ás organizadas no resto das principais cidades de España, e que volverán ter por lema “Stop Lei Celaá – Polo dereito para elixir a educación que queremos”.

O desenvolvemento da mesma e das accións que durante o seu transcurso levarán a cabo, foron presentadas na sede viguesa da Confederación de Empresarios, un acto ao que asistiron Miguel Areses, de Surgapa, que actuou de portavoz, Carla Bartolomeu, de CECE Galicia; Juan Lemos, de Feuso; Iván Mirón, de Escolas Católicas de Galicia; Belén Rodríguez, de CECE Galicia, e Rafael Lestón, de FSIE.

Na súa alocución, Miguel Areses, argumentaba que “a pesar dos dous millóns de firmas que recollemos, a pesar das multitudinarias manifestacións que houbo en España, a pesar das emendas contra a reforma educativa presentadas, o Goberno de España fixo oídos xordos e o Senado decidirá o vindeiro mércores 23 se se aproba definitivamente a LOMLOE, a tristemente Lei Celaá. Sentimos profundamente decepcionados co goberno. Unha lei que marca o percorrido académico e futuro das novas xeracións dunha nación, debe ter un consenso maioritario para deixar atrás o que está a suceder desde que iniciamos a democracia”.

Despois do éxito conseguido na manifestación celebrada o pasado 22 de novembro e na que máis de 6.000 vehículos percorreron as rúas de Vigo, os organizadores fan un chamamento xeral para volver repetilo e que as súas reivindicacións non caian en saco roto facendo soar as bucinas durante todo o traxecto.

A hora de saída será ás 12 do mediodía.

X