Finalistas no Bgreenfestival de Portugal

Desde hai varios anos, alumnos do noso centro participan no Bgreenfestival. Trátase dun festival internacional de vídeos realizados por mozos, sobre ecoloxismo, protección do medio ambiente, cambio climático, … que organiza OFICINA, que é un centro de Formación Profesional que a Compañía de Jesús ten en Santo Tirso (Portugal). Este ano o noso Colexio presentou cinco vídeos realizados por alumnos de 3º ESO, 4ºESO e 1º Bacharelato resultando clasificado para a Gran Final do pasado 7 de xuño, o vídeo ” Would you…?” creado polos irmáns Paula e Carlos García Montenegro. Os autores do vídeo, acompañados polo profesor Salvador Fernández, acudieron esta pasada fin de semana á gala final. A pesar de que o vídeo non obtivo ningún premio, cabe resaltar o gran mérito que é clasificarse para a final tendo en conta que á mesma só pasaron 32 vídeos dos máis de 450 presentados desde multitude de países como: Noruega, Suecia, Italia, España, Portugal, Malta, India, Colombia, Burundi,… Parabéns os finalistas!!