Este martes celebramos o Día do Migrante

Este martes, 5 de febreiro, imos celebrar o Día do Migrante en todo o Colexio con diferentes actos que terán lugar entre as 13:00 e as 16.00 horas. O acto central será a comida solidaria, a base de arroz, auga e froita, para toda a comunidade escolar. Para poder participar nela haberá que adquirir, a través de Alexia, a “cartilla do migrante” ao custe de 5 euros. Documento, que do mesmo xeito que fan os refuxiados, deberá ser selada en tres puntos diferentes. Haberá diversas actividades, desde exposicións, obradoiros, xogos de rol e simulacións de cruce de fronteiras en varios espazos do Colexio. Todo coa colaboración do departamento de Pastoral e de Entreculturas, có obxectivo de recadar fondos para o proxecto desta ONG sexuíta con migrantes en Centroamérica. O acto celebrase este día 5 de febreiro tras quedar aprazado o pasado martes debido ás malas condicións meteorolóxicas.