O Colexio Apóstol Santiago abriu as portas ao curso 2018-2019. Case 900 nenos e nenas de Infantil e Primaria acudiron este mércores 12 de setembro a cita máis ilusionante do ano, a da volta ao colexio. Nervos, algún choro entre os máis pequenos e, sobre todo, moita ilusión e sorrisos. Pais, nais, avós, avoas, irmáns,… acompañaron neste primeiro día os debutantes, os de 3 anos, que iniciaban a súa aventura no Colexio. En moitos casos, serán 15 anos das súas vidas no colexio dos Xesuítas. Nesta etapa, a incorporación dos novos alumnos será progresiva durante toda a semana.
E detrás, un equipo de medio cento de profesores que tamén comezaron con algo de nervos pero coa ilusión de cada inicio de curso e, por suposto, cun sorriso de benvida.
[WRGF id=7625]
Primeiro día de cole con 900 sorrisos
