O Colexio celebrou, por segundo ano, a súa Feira de Ciencias (e Letras) có bosque do Colexio como fío conductor.
Durante toda unha xornada os alumnos de 4º da ESO montaron diversos obradoiros para os seus compañeiros de 5º de Primaria có obxectivo de dar a coñecer o valioso xardín botánico do centro que conta con máis de 30 especies arbóreas singulares e reivindicar, deste modo, os valores do cuidado do medio ambiente.
Os obradoiros foron sobre enerxía solar, observación de microorganismos de charca, pigmentos naturais, determinación do pH, clasificación das follas, guía botánica, dramatización de lendas galegas, pasapalabra de gramática, etc..
A feira deste ano estivo dedicada ao Ginkgo Biloba, unha árbore fósil vivinte do cal o Colexio conta cun valioso exemplar de máis de 40 anos. Foi a única árbore que sobreviviu á bomba atómica de Hiroshima e por iso é venerada como símbolo de esperanza.
