A tarefa pastoral a entendemos como una labor misioneira e iso supón unha serie de retos que van desde as estruturas básicas da pastoral, ata as metodoloxías, pasando polas persoas e a súa testemuña de vida que forman parte do terreo da pastoral –dende infantil e xuvenil (nenos e mocidade) ata familias e persoal do centro- e tamén o modo de relación entre eles.

Buscamos unha pastoral que sexa profundamente coherente,  antropolóxicamente significativa e que faga unha  explicitación do coñecemento e experiencia de Deus da man do compromiso que de él se deriva, segundo a Espiritualidade  Ignaciana. Partimos da realidade do noso alumnado, atendemos as súas preocupacións, provocamos preguntas e posibilitamos o encontro con Xesús e coa comunidade.

Desde esta formulación han de entenderse as distintas propostas pastorais que ofertamos ao longo do curso. O obxectivo final non é o de facer moitas actividades, senón aquelas que poidan chegar máis fondo, axudando ao alumnado, as familias e ao persoal do centro a descubrir a súa vida en clave crente.

Para máis información: www.lineasdefuerzasj.org e https://colegioapostol.com/educacion/plans/pastoral