O alumnado do noso Colexio consigue casi pleno nas probas da ABAU. Dos 117 estudantes matriculados en 2º Bacharelato, presentáronse as probas 105 e aprobaron 104 na convocatoria de xuño.
A estes datos, temos que engadir que 20 alumnos e alumnas do noso centro conseguiron o premio de “Mellores Expedientes do curso 23-24”. O venres, día 21 de xuño, ás 11:30 horas, terá lugar o acto de recoñecemento, MEGABAU 2024, no Coliseum da cidade da Coruña.
Parabéns ao noso alumnado por estes bos resultados académicos, ás súas familias e tamén á comunidade Educativa do Colexio. Unha magnífica noticia coa que rematar este curso 23-24 e desexarvos un feliz e merecido descanso estival.
