Iniciamos o novo curso escolar coas primeiras reunións con familias. Hoxe tivemos ás familias de Educación Infantil, primeiro cunha charla no salón de actos na que participaron Carlos Ares, director de Educación Infantil e Primaria, quen comezou cun agradecemento ás familias por permitir que o colexio forme parte do crecemento dos seus fillos e fillas. Pola súa banda, Marina Márquez contou, como coordinadora desta etapa, a importancia da mesma no desenvolvemento integral dos nenos e nenas a todos os niveis . Nuria Turienzo, coordinadora de Pastoral en Infantil, explicou ás familias o lema para este curso das liñas de forza. Terminamos a exposición no salón de actos coa intervención de Rosario Gallego, representante da Anpa, quen recordou as liñas de actuación da asociación; e con Fernando Gálligo SJ, quen informou da escola de familias como oportunidade para formar a pais e nais. Posteriormente, as familias acudiron cos titores ás aulas, que lles explicaron cuestións máis específicas do desenvolvemento do curso. Estamos a arrincar un novo curso que terá como mensaxe principal dás nosas liñas de forza “Ven, sígueme, con Xesús cara as fronteiras do mundo”. Que teñades un feliz regreso as aulas!
