Un ano máis a libraría do Colexio ofrece a posibilidade de reservar os libros de texto dos alumnos.
As familias que estean interesadas en mercar os libros no Colexio, poderán facelo a través de Alexia dende o 24 de xuño ata o 10 de xullo, ambos incluídos.
Para os alumnos novos no centro: é imprescindible matricularse antes de facer dita reserva, para poder ter acceso a Alexia.
Estarán dispoñibles para a compra tódolos libros necesarios, mais non a Axenda Escolar. Nos cursos nos que é obrigatoria (Primaria 3º, 4º, 5º e 6º) dita Axenda Escolar, porase a disposición dos nenos na súa aula o primeiro día de clase.
Unha vez feita a reserva, non se admitirán devolucións ou cambios, salvo ás familias de ESO e Primaria que soliciten Fondo de Libros. Nestes casos o Colexio modificará o pedido según os libros que lles outorgue a Xunta.
As familias recibirán un agasallo pola compra dos libros.
Para todos/as os/as nenos/as de Infantil, os libros serán entregados ós/ás titores/as no súa aula o primeiro día de clase.
Para todos/as os/as nenos/as de Primaria, de BACH e da ESO, os libros poderán ser recollidos na aula habilitada no Colexio os días 03 e 04 de setembro en horario de 11h a 13h.
O pago dos libros de textos farase mediante un UNICO RECIBO BANCARIO o día 25 de outubro de 2025 co importe total polos libros comprados, descontando o importe de axuda outorgado pola Xunta, no seu caso.
O pago da Axenda Escolar nos cursos nos que é obrigatoria (Primaria 3º, 4º, 5º e 6º) farase mediante recibo bancario o día 05 de setembro de 2025.
Podes facer a consulta do listado de libros neste enlace
