Onte tivo lugar a Lección Inaugural para o noso alumnado de 2º de Bacharelato. É a nosa maneira de acollerlles no seu último curso, un xesto de agarimo cara quenes pronto pecharán a súa etapa académica na que foi e seguirá sendo a súa casa.
Este ano acompañounos o psicólogo clínico José Eduardo Rodríguez Otero, que falou sobre a importancia do coidado persoal, a xestión das emocións, a resolución de problemas e a valentía de pedir axuda cando é necesario. Todo iso con exemplos que axudaron a comprender determinadas situacións.
Un encontro que busca acompañar ao noso alumnado nun curso decisivo cheo de interrogantes, lembrándolles que non están sós e que o colexio segue camiñando ao seu lado.
Desexámoslles un feliz e próspero curso no que atopen a súa verdadeira vocación.
