Onte se celebraron as charlas de orientación profesional co noso alumnado de 1.º e 2.º de Bacharelato.
Profesionais, na súa maioría vinculados ao colexio, do ámbito técnico, sanitario e científico, xurídico e empresarial, e social, compartiron as súas experiencias e vocacións cos nosos mozos e mozas.
Grazas a nosa Anpa, que organizou estas charlas con implicación e compromiso. A súa inestimable colaboración, sempre xenerosa e entusiasta, é unha mostra do vínculo profundo que nos une coas nosas familias.
Seguimos acompañando ao noso alumnado no camiño cara ao seu futuro.
