UN DOS MELLORES REGATISTAS OCEÁNICOS DO MUNDO, ESTE VENRES NO COLEXIO

Versión para impresiónVersión PDF

“Chuny” Bermúdez de Castro, un dos mellores regatistas oceánicos do mundo, estará este venres 9 de decembro no colexio. Será no salón de actos, a partir das 12.15 horas, e falará para os alumnos de 2º de ESO dentro das actividades do "Proxecto Vendée Globe". Unha oportunidade única para coñecer de cerca as regatas volta ao mundo con este coruñés, enxeñeiro industrial de formación, casado e con tres fillos. 
Acaba de gañar, a bordo do Abu Dhabi Ocean Race,  a última  edición da Volvo Ocean Race (volta ao mundo por etapas e con tripulación). É o segundo regatista español que o consegue en 40 anos de historia.
Chuny comezou a navegar en Optimist no RC Náutico de A Coruña, pasando despois polas clases Láser, 470 e Snipe, na que conseguiu o seu primeiro éxito ao proclamarse campión de España e gañar o Trofeo Súa Maxestade o Rey en 1991. En 1992 formou parte da tripulación do "Galicia 93 Pescanova", patroneado polo vigués Javier de la Gándara, co que quedaron en 5ª posición na Volta ao Mundo “Whitbread Round the World Race de 1993-94”. 
Despois desta primeira experiencia na vela oceánica  xa nunca a abandonaría e tomou parte nas seguintes cinco edicións, sempre en equipos estranxeiros:
•    2001-02: xefe de garda do Assa Abloy
•    2005-06: xefe de garda no Brasil 1 de Torben Grael.
•    2008-09: patrón do Team Delta Lloyd. 
•    2011-12: xefe de garda do CAMPER- Emirates Team New Zealand. 
•    2014-15: xefe de garda do Abu Dhabi Ocean Racing Team.
Á parte da vela oceánica, foi olímpico na clase Star en Atenas 2004, gañou tres veces a Copa do Rey, e foi membro do equipo español de Copa América en 1995 e 1999.

 

we advice you on question where you can buy ambien online cheap

i can advice you how to buy tramadol online tracking on USA tracking on USA