A POBOACIÓN DE HAITÍ NECESITA A NOSA AXUDA

Unhas 1.000 persoas, ata o momento, perderon a vida en Haití tras o paso do furacán Matthew  e hai innumerables danos en vivendas, infraestruturas, cultivos e reservas alimentarias. Prevese que a situación de inseguridade alimentaria que xa se vivía antes do paso do ciclón agudícese. Á fame súmase o alarmante risco de repunte do cólera e a Organización Panamericana da Saúde tamén advirte do aumento de risco de dengue, o chikungunya e o virus do zika.

Desde Entreculturas temos activado o noso protocolo de emerxencia en comunicación con Fe e Alegría Haití. Das 17 escolas coas que conta no país, 10 delas atópanse nas zonas máis afectadas (o que implica a 1.597 alumnos/as e 145 persoas do persoal escolar. Tras as conversacións con Fe e Alegría Haití e unha análise da situación, activamos o seguinte número de conta para recadar fondos para a emerxencia: ES21 0049 0496 8320 1020 0200

Esta nova catástrofe obriga aos haitianos a sacar forzas, unha vez máis, para recuperar o seu futuro: de novo, a catástrofe evidencia que os efectos dos desastres naturais son moito maiores en contextos empobrecidos.  Entreculturas destinará a recadación ás seguintes liñas de acción: atención e apoio á comunidade local e ás familias afectadas; rehabilitación dos danos causados nas infraestruturas educativas e apoio psicosocial á poboación, especialmente aos nenos e nenas.

OUTUBRO, MES DE CONVIVENCIAS PARA ESO E BACHARELATO

Uns 120 alumnos de Bacharelato e 400 de toda a ESO participan este mes de outubro nas convivencias que o colexio organiza cada curso. Unha oferta que realizamos desde o Departamento de Pastoral, as primeiras, e desde o Plan Tutorial, as segundas,  para dar continuidade ao traballo de formación integral no que cremos: académica, persoal, social e espiritual.

Os mozos e mozas de 1º e 2º de Bacharelato foron os primeiros en realizar as convivencias 2016, que tiveron lugar en Dorrón e na Ramallosa. Participaron máis de 120 alumnos e unha ducia de mestres e monitores do Centro Loiola de Vigo.

Estes días son os alumnos de Educación Secundaria os que están a participar nos retiros-convivencia que teñen lugar no Mercantil de Vigo e nos Abetos de Nigrán. Pechan esta intensa actividade do mes de outubro as convivencias de 3º e 4º da ESO, os días 18 e 25. 

Os contidos sobre os que traballamos este ano tratan de avanzar en tres dimensións: a persoal, a do coñecemento dos demais e a do ámbito relixioso. Este curso teñen relación, ademais, cos valores de acollida, hospitalidade e ecoloxismo, significados nos lemas A nosa casa é o mundo e A Terra, a nosa mellor escola.
A actividade pastoral no Colexio Apóstol complétase coas actividades do Centro Loiola, espazo de encontro e profundización espiritual e cristiá. O vindeiro 21 de outubro comezaremos alí a actividade dos grupos de confirmación de Bacharelato, coa participación de todas as comunidades na Vixilia da Luz, con motivo da semana do DOMUND, cuxo lema este ano é Sal da túa terra.

 

O EX ALUMNO DO COLEXIO, FRANCISCO MENÉNDEZ, OFRECE A LECCIÓN INAUGURAL DO CURSO 16-17

O curso 16-17 iniciouse no Colexio Apóstol Santiago coa la lección inaugural que impartiu Francisco Menéndez, director da Axencia Galega de Infraestructuras e antigo alumno do noso colexio, onde rematou os seus estudos coa promoción de 1996.

Francisco Menéndez naceu en Vigo en 1979, é enxeñeiro de Camiños, Canles e Portos pola Universidade de A Coruña (2004), foi presidente de Augas. Durante 12 anos formou parte da Ong Enxeñería Sen Fronteiras.

Na súa conferencia fixo un percorrido polas experiencias vividas na súa etapa no colexio e estableceu múltiples conexións que ese pasado nos Xesuitas teñen na súa vida, tanto a nivel persoal como profesional, na que ocupa un dos cargos técnicos máis altos na Administración Pública Autonómica.

 

CIRCULAR DE INICIO DE CURSO

Benqueridas familias:

Achegamos a Circular de Inicio de Curso, posto que nalgúns casos, e por causas alleas á nosa vontade, Correos está a devolver algunhas destas cartas (enviadas xa na primeira semana de agosto), aínda cando os vosos datos postais sexan os correctos.

Lamentamos as molestias que esta situación puidese provocar e quedamos á vosa disposición para solucionar as posibles dúbidas.

VER CIRCULAR ->

BECAS E AXUDAS PARA ESTUDOS EN BACHILLER

Pode consultar todas ás bases no seguinte enlace o BOE

Aberto prazo de inscrición para servizo de comedor de Setembro

¡Hola a tod@s!

Tras un inicio accidentado, polo que vos pedimos disculpas, arrancamos hoxe coas inscricións de nenos no comedor para os meses de outubro a xuño. A continuación explicámosvos as dudas mais comúns e ademais encontraredes instrucións sobre como inscribir aos nenos.

 

Instrucciones plataforma (actualizadas 12 h. del 26/09/2016)

Acceso plataforma Como Comen

ATENCIÓN:  Todas as altas que se fagan entre o 16 e o 26 de Setembro serán efectivas de forma automática dende o 1 de Outubro. Non antes.
Non se fixen na "fecha de alta" que vai na mensaxe de confirmación xa que é un erro da plataforma.

Os pais dos rapaces que se inscribíron esta semana no colexio, tede en conta por favor que a súa alta na plataforma está en proceso. O luns quedará finalizado o rexistro, e poderán inscribirse ao comedor sen problema.

Páxinas

we advice you on question where you can buy ambien online cheap

i can advice you how to buy tramadol online tracking on USA tracking on USA