ELECCIONS PARA O CONSELLO ESCOLAR

Este curso 16-17 toca renovar o Consello Escolar. 

Para isto comezamos o proceso para a elección de representantes o pasado 3 de novembro coa constitución da Xunta Electoral.

Achegamos información para familias e profesorado, así como o calendario para a elección de candidatos.

 

A COMUNIDADE EDUCATIVA PARTICIPA NO CONCURSO "O LOGO DO CENTENARIO" DO COLEXIO

Alumnos, profesores, ex alumnos e familias están invitadas a participar no concurso para deseñar un logo conmemorativo dos 100 anos da chegada do noso colexio a cidade de Vigo, efeméride que terá lugar o vindeiro 10 de decembro.  As bases para participar nesta iniciativa poden consultarse aquí.

É necesario que apareza o logo do colexio e a frase 100 anos servindo a Vigo. Os alumnos entregarán as súas creacións aos profesores de plástica e, o resto dos traballos, serán remitidos o correo comunicacion@colegioapostol.com. O prazo para entrega de bocetos remata o 15 de novembro. Durante a primeira semana de decembro todos os traballos serán expostos por diversos espazos do colexio.

Ao tempo, alumnos e profesores de Secundaria están a elaborar un xornal conmemorativo deste centenario, que será presentado no mes de febreiro. A súa portada, e como adianto, coñecerase oficialmente o 2 de decembro, así como o logo gañador do concurso, no transcurso dos actos de conmemoración do centenario que está a organizar a Asociación de Antiguos Alumnos en colaboración có colexio.

ALBERTO ULLOA, EX ALUMNO DO COLEXIO, PREMIO EXTRAORDINARIO DE BACHARELATO 2015/2016

A Consellería de Educación fixo públicos os 20 premios extraordinarios de Bacharelato correspondentes ao curso 15/16 en toda Galicia. E o único que obtivo este galardón na provincia de Pontevedra foi o ex alumno do colexio Apóstol Santiago, Alberto Ulloa Meijide.  Este mozo vigués de 18 anos, que actualmente cursa Medicina na Universidade de Santiago, acabou o Bacharelato no noso centro cunha media de 9,9. E en Selectividade logrou 13,19 puntos sobre 14.

Alberto logra este recoñecemento despois de realizar  este verán  as probas específicas para os candidatos e ás que os seus profesores de Xesuítas  animáronlle a presentarse. Un recoñecemento do que todo o colexio congratúlase e que serve de exemplo e motivación para o resto dos alumnos.

 Moitísimas felicidades!

O COLEXIO COLABORA NUN VIDEO DA FUNDACIÓN ANAR CONTRA O ACOSO ESCOLAR

O Colexio Apóstol Santiago colabora, a través da Produtora Esmerarte, con Atresmedia e a Fundación ANAR, no videoclip RUN, que protagoniza o grupo pontevedrés Furius Monkey House.  O seu obxectivo é concienciar na prevención do acoso escolar, o sexting e o abuso de menores.

Ao longo de varios días do mes de setembro, este grupo, xunto a todo o equipo de produción e gravación de Esmerarte, estiveron a rodar usando localizacións do Centro Gárate.
A Fundación ANAR, para a Axuda a Nenos e Adolescentes en Risco, traballa especialmente os temas de violencia de xénero entre adolescentes, malos tratos na contorna familiar e acoso escolar. 

VIDEOCLIP DE FURIUS MONKEY HOUSE CON ATRESMEDIA Y LA FUNDACIÓN ANAR

PRESENTACIÓN WEB ATRESMEDIA

 

O COMEDOR ORGANIZA O VENRES 28 UNHA XORNADA DE COMIDA MEXICANA

“Aprendendo a comer” é o programa educativo que este curso está a levarse a cabo no noso comedor escolar. Un lugar onde queremos que os nosos alumnos fagan algo máis que comer.  Quérese axudar a entender a importancia da nutrición desde unha perspectiva divertida e na que os nenos se sorprendan con novidades no seu menú.

Nesta liña, un dos obxectivos é descubrir a variedade dos alimentos e sabores, tanto da terra, doutras partes de España, como doutros países. E este mes de outubro terá lugar, o vindeiro venres 28, a xornada denominada “Un mundo de sabores” que estará dedicada á comida de México. Haberá un menú especial mexicano, contaranse curiosidades deste país e o comedor estará decorado con algúns dos seus motivos tradicionais, como gorros mexicano ou ponchos.

INICIAMOS UN TEMPO NOVO, O DO COMPROMISO E A SOLIDARIEDADE

O colexio comeza esta semana un novo tempo neste curso 16-17. O tempo do compromiso, onde o valor que queremos destacar é a solidariedade. É un dos oito momentos en que repartimos o curso. Oito tempos nos que queremos brindarvos a oportunidade de reflexionar desde as vosas materias acerca dalgúns temas da actualidade (colexial e mundial) e de remarcar o valor da solidariedade.

   En concreto, esta semana teremos un bo número de actividades e experiencias relacionadas con este valor, para alumnado desde EI a Bacharelato, mesmo para universitarios e adultos. O luns celebramos o Día Internacional para a Erradicación da Pobreza, e terminamos o domingo 23, no que se celebra o Día do Domund. Teremos a visita de misioneiros en África e testemuños que chegan desde a Amazonía. E a Rede de Mozos Solidarios en Galicia reunirase no colexio o vindeiro sábado 22 coa presenza de alumnos e profesores de doce centros escolares.

Esta semana contaremos con dúas visitas:

- Luns e martes, co misioneiro javeriano mexicano, o pai Rolando Ruiz Durán, para compartir con alumnado de 5º, 6º EP e 1º, 2º ESO a súa experiencia de nove e seis anos en Camerún e o Chad, respectivamente.

- O xoves estarán connosco dous compañeiros de Fe e Alegría, chegados desde a Amazonía brasileira, o pai Fernando López sj e a relixiosa Arizete Miranda Dinelly que é indíxena Sateré-Mawé. Ademais de dar testemuño do seu labor na Amazonía, presentarán algunhas das cuestións de educación ambiental presentes este ano na campaña de Entreculturas "A terra nosa mellor escola". Atoparanse con alumnos  de 4º ESO e co grupo de Economía de 2º Bach.

O xoves pola tarde-noite tamén poderemos gozar da experiencia compartida por Fernando  López sj e Arizete nun encontro organizado pola Delegación de Entreculturas-Vigo nos locais de Radio Ecca (Velázquez Moreno 9, 1º piso) sobre as 20h. Estamos todos convidados.

   Culminaremos a semana con novas  citas para o venres e sábado:

- O venres 21  ás 18:45h celebraremos a Vixilia da luz -xa tradicional na semana do DOMUND-. Este ano queremos poñernos en camiño e por iso sairemos desde a leira de San Roque para achegarnos ata o colexio das Fillas de María Inmaculada (xunto ao Xeral) onde teremos a oración, que organizan as delegacións diocesanas de Pastoral Xuvenil e Misións. Aínda que está enfocada para os mozos estades todos convidados!

- O sábado 22, terá lugar a Asemblea da Rede de Mozos Solidarios, no noso centro. Recibiremos a máis dun centenar de mozos de trece colexios de Galicia, que se reunirán para programar e organizar as iniciativas solidarias deste curso baixo o lema "Un mundo de alternativas para sanar a Terra".

Páxinas

we advice you on question where you can buy ambien online cheap

i can advice you how to buy tramadol online tracking on USA tracking on USA