APOIANDO AOS NOSOS FILLOS E FILLAS

A xunta directiva do ANPA do colexio convídanos a ver o seu novo vídeo baixo o título: "Apoiando aos nosos fillos e fillas. Dí si ao ANPA. Faino por eles".

ESTE CURSO CONTAMOS CON CATRO AUXILIARES DE CONVERSACIÓN

O noso colexio leva 4 anos traballando con auxiliares de conversación. Son profesores de diferentes nacionalidades cuxa lingua de orixe é o inglés e asisten aos profesores de idioma unha vez á semana para que os nosos alumnos melloren especialmente o seu nivel de pronuncia e comprensión. Todos son profesionais cualificados (non estudantes) e proceden de diferentes países. Este ano nos acompañan Sarah, Vera, Chloe e Michelle.

Este curso estamos a levar a cabo, por primeira vez, unha nova experiencia cunha delas (Michelle) que consiste en aloxarse cada trimestre cunha das familias do noso colexio. Esta convivencia permite á auxiliar coñecer máis e mellor nosa cultura e idioma e pola súa banda as familias tamén fan o propio coa cultura e idioma do seu hóspede. 

No colexio puxemos en funcionamento un programa de mellora do idioma que tratamos cada ano que abarque ao maior número de cursos posible, desde a presenza dunha profesora nativa (Rose) cos máis pequenos ata a presenza de auxiliares de conversación desde 3º Primaria a 1º de Bacharelato, pasando por outros apoios de inglés en 1º e 2º de ESO.  Por iso este ano contamos con catro auxiliares de conversación nestes cursos.

Máis información neste enlace 

 

INICIAMOS O PROGRAMA DE VOLUNTARIADO PARA ESTE CURSO, ANÍMATE A PARTICIPAR

O programa de Voluntariado e Educación Social deste curso iniciase a partir do 14 de novembro. Desde o colexio ofrecemos distintas opcións de colaboración e convidamos ás familias a que poidan participar destas actividades de voluntariado. Aquí lanzámosvos algunhas propostas por se vos animades.

  • Cáritas: Apoio escolar en colaboración para alumnos de colexios da zona de Teis. Nenos e nenas con necesidade de reforzo nas tres linguas e matemáticas. Será os luns e mércores, de 17:15 a 18:45 no Centro Gárate
  • Xaruma: Apoio en informática. Proxecto de integración, rehabilitación e reforzo terapéutico con persoas con enfermidade mental, e respiro para as súas familias. Contidos de informática a nivel usuario. No Centro Gárate, os xoves de 17:30 a 19.00 horas.
  • Residencia Santa Marta de persoas maiores. Traballo con usuarios dependentes, conversación e axuda nas comidas.

Máis información e contacto: irene.valverde@colegioapostol.com

DÚAS ALUMNAS DO COLEXIO, ENTRE AS MELLORES DE GALICIA NA ESO

Eva Diz Ferreira e Candela García García obtiveron o Premio Extraordinario de Educación Secundaria (ESO) ao rendemento académico no curso 2015-2016. Recoñecemento que a Xunta concede cada ano aos 20 mellores estudantes da comunidade e que leva, ademais, un premio en metálico de 750 euros.

O noso colexio foi o único da provincia de Pontevedra que logrou que dous dos seus alumnos fosen premiados nesta convocatoria. Ademais, outros 10 rapaces do colexio, grazas ao seus magníficos expedientes, tamén tiveron a oportunidade de optar a realizar as probas que deciden estes galardóns. 

Actualmente ambas cursan 1º de Bacharelato no noso centro. Eva Diz finalizou a ESO cunha media 9,91 mentres que Candela fíxoo cun expediente de 9,79 puntos.

Polas súas notas medias, superiores ao 9, tamén optaron a este premio os seguintes alumnos do Apóstol Santiago: María Abellás López, Irea Alonso Freire, Ariadna Saborido Núñez, Inés Rubio Prego, Santiago Moreno Casares, Andrea, Igrexas Pérez, Eugenia Covelo Beloso, Elena Paredes e Eugenia Rouco. Estas dúas últimas, por diversos motivos, non puideron presentarse ás probas celebradas o pasado verán.

Desde o colexio, a nosa felicitación ás dúas premiadas e ao resto de alumnos que optaron a este recoñecemento.

Parabéns!

As premiadas, xunto ao resto de alumnos do colexio que optaron aos premios da ESO

 

Eva Diz e Candela García

III CONCURSO DE CARTEIS APÓSTOL SANTIAGO

 

 

A Asociación de Nais e Pais, Asociación de Antiguos Alumnos e os profesores do colexio convocan o III Concurso de Carteis Apóstol Santiago, cartel anunciador do XXXI Concurso Literario.    

Bases do Concurso ->

OBRADOIRO CASTELAO

Páxinas

we advice you on question where you can buy ambien online cheap

i can advice you how to buy tramadol online tracking on USA tracking on USA