Identidade

O derradeiro obxectivo e razón de ser do Colexio Apóstol Santiago da Compañía de Xesús é o crecemento persoal e global da persoa, que leva aparellado a opción e o compromiso cos valores, consonte aos principios e visión humana e cristiá da vida. 

Centro plurilingüe

O noso Proxecto Educativo ten como obxectivo básico a formación integral, e dentro dela queremos dar resposta á necesidade de posuír, na sociedade actual, un bo dominio de como mínimo dous idiomas da Comunidade Europea e un manexo fluído dos mesmos.

Actividades Paraescolares

Actividades Paraescolares co fin de apoiar a formación integral, fomentar afeccións útiles para o positivo emprego do tempo de lecer e fomentar as relacións e os valores humanos.
Flexibilidade de horarios, niveis de ensino e tipo de actividade.

A ANPA ORGANIZA PARA AS FESTAS UN GRAN SORTEO SOLIDARIO CON ATRACTIVOS PREMIOS

Outra das novidades para estas festas colexiais, ademais da estrea da moeda propia do colexio, o "loyolo", será o gran sorteo solidario a beneficio de Entreculturas. Moitos premios, valorados en total en máis de 4.000 euros, sortearanse o venres pola tarde entre todas as rifas vendidas, que teñen un prezo de 1 euro.

 A iniciativa, da Asociación de Nais e Pais do colexio, conta coa colaboración desinteresada de varias empresas e institucións galegas, principalmente viguesas, as que agradecemos a súa solidariedade con esta causa.

ESTREAMOS O ”LOYOLO”, A MOEDA PROPIA PARA COMPRAR NAS FESTAS COLEXIAIS

As festas colexiais 2017, as do centenario da chegada do colexio a Vigo, serán lembradas pola posta en marcha dunha moeda propia, o "loyolo", que se utilizará durante os días das festas, 10, 11 e 12 de maio.

A iniciativa, da Asociación de Nais e Pais (ANPA) do colexio, elimina a venda dos tradicionais tickets e todo se poderá comprar coa nova moeda, fóra das rifas de Entreculturas e as tapas de polbo.

O “loyolo” equivale a un euro. Poderanse adquirir todos os que se desexen desde este mércores 10 pola tarde (de 17 a 19 h), na caseta de madeira do patio e durante os dous días das festas. Haberá paquetes de 5, 10 e 20 “loyolos”.

O nome da nova moneda foi elixido por votación, a través das nosas redes sociais, en competencia con outros tres nomes: arrupes, solidarios e bit coles.

CONCURSO POSTRES FESTAS COLEXIAIS 2017.

¡Anímate a participar no Concurso de Postres que terá lugar durante as Festas Colexiais os días 11 e 12 de maio.

Bases do concurso ->

TEATRO E MAXIA SOLIDARIA, ESTE SÁBADO NO SALÓN DE ACTOS DO COLEXIO

O colexio acolle este sábado, 6 de maio, dúas actividades culturais e de ocio para toda a familia. Pola mañá, no salón de actos (12:00h), reprenséntase a obra de teatro As laranxas máis laranxas de tódalas laranxas, do grupo Volvereta e basada no libro de mesmo título de Carlos Casares, o homenaxeado este ano no Día das Letras Galegas. Organiza a asociación Proxecta un Novo Teis, en colaboración có colexio Apóstol Santiago e a parroquia San Francisco Javier.
Xa pola tarde, a partir 18:30, e tamén no salón de actos do colexio, haberá unha función de maxia de carácter solidario, coa maga Leo Leíño. O custe das entradas é de 3 euros, donación que irá destinada a ONG Proemaid, que axuda no Mediterráneo aos refuxiados.

CONTACONTOS NA BIBLIOTECA

ENTREGA DE PREMIOS

Páxinas

we advice you on question where you can buy ambien online cheap

i can advice you how to buy tramadol online tracking on USA tracking on USA